Lausnir
VATNSGÆÐA
Við bjóðum upp á heildarlausnir, þjónustu og búnað fyrir rauntímamælingar. Kynntu þér hvað við höfum uppá að bjóða.
Þjónustusvið
Verndun vatns með rauntíma innsýn
Frá yfirborðsvatni til grunnvatns, frá skólpi til iðnaðarlosunar – við bjóðum upp á verkfæri til að mæla, skilja og vernda vatn í öllum sínum myndum.
Umhverfi
Yfirborðsvatn
Með sjálfvirkum mælitækjum fylgjumst við stöðugt með vatnsborði, sýrustigi, uppleystu súrefni, gruggi, næringarefnum og lífrænum efnum í yfirborðsvatni. Gögnin nýtast bæði sveitarfélögum, stofnunum og ráðgjöfum til vöktunar, skráningar og greiningar á ástandi vatnakerfa.
Grunnvatn
Sjálfvirk grunnvatnsvöktun nær m.a. til vatnsdýptar, vatnshita og leiðni. Varanleg rauntímavöktun styrkir ákvarðanatöku í verndun vatnsbóla og tryggir sjálfbæra nýtingu auðlindarinnar.
Sjór og hafnir
Sjálfvirk vöktun í höfnum sameinar mælingar á saurgerlum, olíu og öðrum vatnsgæðavísum í sjó. Rauntímagögnin gefa skýra mynd af ástandi vatnsins, auðvelda ákvarðanatöku og stytta viðbragð mengunaratvikum.
Iðnaður
Skólphreinsistöðvar
Vatnsgæði bjóða heildarlausnir fyrir vöktun skólphreinsistöðva, frá inntaki til útfalls. Rauntímagögnin gera rekstraraðilum kleift að bregðast fyrr við, hámarka hreinsun og uppfylla kröfur heilbrigðis- og umhverfisyfirvalda. Við sinnum einnig reglubundnum sýnatökum og bjóðum upp á sjálfvirkan sýnatökubúnað sem einfaldar reglugerðarfylgni og vöktun.
Fráveitukerfi
Í fráveitukerfum bjóðum við nákvæmar rennslismælingar og rauntímavöktun á vatnsgæðum og olíu. Gögnin hjálpa til við daglegan rekstur með því að greina stíflur og önnur frávik í rauntíma, rekja uppruna mengunar, greina rangar tengingar og styðja við skipulagða viðhaldsvinnu og forgangsröðun fjárfestinga.
Fiskeldi
Í fiskeldi bjóðum við upp á vatnsgæðamælingar með fjölpróbumælum sem geta greint fjölmargar breytur í einu – til dæmis grunnmælibreytur eins og uppleyst súrefni, hitastig, pH, leiðni og grugg. Að auki bjóðum við sérhæfðar mælingar á borð við TAN, TOC, COD, BOD o.fl. Traust gögn í rauntíma hjálpa til við að hámarka velferð fiska og draga úr rekstraráhættu.
Vörur
Fjölprópumælar
Fjölpróbumælar okkar sameina marga skynjara í einu tæki og gera kleift að fylgjast í rauntíma með lykilbreytum eins og hitastigi, pH, uppleystu súrefni, gruggi, næringarefnum og lífrænu álagi (t.d. BOD/COD). Mælarnir eru sérsniðnir að hverju vatnsvistkerfi eða ferli, henta bæði í yfirborðsvatni, fráveitu og fiskeldi og skila stöðugum gögnum inn á vefgátt Vatnsgæða, þar sem rekstraraðilar fá skýra yfirsýn og geta brugðist fljótt við frávikum. Allar okkar lausnir eru tengjanlegar við stjórnkerfi með stöðluðum tengingum.
Olía í vatni
Við bjóðum sérhæfðan búnað til vöktunar á olíu í vatni sem nemur mjög lága styrki í rauntíma. Lausnirnar henta m.a. fyrir hafnir, virkjanir, fráveitu og iðnaðarafrennsli og gera kleift að greina leka og frávik áður en þau þróast yfir í alvarlega mengun.
